Costa Rica

Situada no Istmo Centroamericano limita ao norte con Nicaragua e ao sur con Panamá, ao leste co Mar Caribe e ao oeste co Océano Pacífico.
A pesar do seu pequeno tamaño, o país concentra preto do 6% da biodiversidade do mundo. A súa riqueza natural, tanto en especies como en ecosistemas, explícase en parte pola súa posición xeográfica. Así, o sistema de Parques Nacionais e Reservas abrangue o 25.6 % da superficie do país. Ademais, trátase dun país moi montañoso con varios picos de máis de 3.000 m., entre eles o volcán Irazú.
A cultura de Costa Rica é variada ao ter influencias inicialmente da cultura indíxena e europea, posteriormente da cultura afrocaribeña e asiática. Costa Rica é un país mestizo, na que coexisten sistemas de comunicación social moi diversos que van desde o crioulo limonense ata usos e costumes de orixe ibérica, pasando por culturas e formas de pensamento tan disímiles como a chinesa, a indíxena ou a menonita.

En Costa Rica residen 13.313 españois (dato a 1 de xaneiro de 2026).

  • Superficie: 51.179 km2
  • Poboación: 5.191.823 hab
  • Capital: San José
  • Idiomas oficiais: español
  • Moeda: Colón costarricense (C CRC)
  • Horario: UTC-6
  • Dominio Internet:.cr
  • Prefixo telefónico: + 506
Costa Rica Ficha País

Destacados