Borondatezko itzulera

Zer da borondatezko itzulera programa?

Inklusio, Gizarte Segurantza eta Migrazio Ministerioak, Migrazioen Estatu Idazkaritzaren eta Immigrazioaren Arreta Humanitarioko eta Inklusio Sozialeko Zuzendaritza Nagusiaren bitartez, borondatez itzultzeko aukera eskaintzen die hirugarren herrialdeetako nazionalei, baldin eta diru-laguntzen urteko deialdi bakoitzean ezarritako baldintzak betetzen badituzte.

Nola kudeatzen dira borondatezko itzulera proiektuak?

Batetik, proiektu horiek irabazi asmorik gabeko erakundeen bidez kudeatzen dira, eta Asilo, Migrazio eta Integrazio Funtsak (FAMI) kofinantzatzen ditu 2015. urtetik.

Bestalde, Migrazioen Nazioarteko Erakundearekin sinatutako hitzarmen baten bidez, Borondatezko Itzulera Lagundua eta Berrintegrazioa proiektua kudeatzen da.

Borondatezko itzulera-programak bi proiektu-mota ditu:

  • Borondatezko itzulera lagundurako eta berrintegraziorako proiektuak: kalteberatasun bereziko egoeran dauden hirugarren herrialdeetako herritarrentzat da, eta haien bizilekuko gizarte-zerbitzuen edo GKE espezializatuaren bidez egiazta daiteke egoera hori.
  • Borondatezko itzulera produktiboko proiektuak: itzulerari lotutako enpresa-proiektu bati ekin nahi dioten hirugarren herrialdeetako herritarrentzat.